Novo espectáculo de Leilía «Consentimento» (2012)
25/04/2012
Enseñámosvos un pequeno avance do novo espectáculo de Leilía «Consentimento» , ( por Merlo Branco).
Leilía soando en «Mestizo Mundo», do Canal Extemadura radio
02/04/2012
Leilía soando no programa de radio MESTIZO MUNDO do Canal Extremadura o 25-03-2012
dende o minuto 37:52 con «De rondón» tema do novo disco Consentimento.
Leilía na «Trad Magazine»,a revista de Folk mais importante de Francia!!!
13/03/2012
Novo traballo de Leilía, «ConSentimento» na «Trad Magazine», nº142 de ( marzo/abril 2012).
Trad Mag Mars-Avril 12-1
Trad Mag Mars-Avril 12-2
Concerto das «pandereteiras Leilía» no Auditorio Municipal de Ourense
11/03/2012
O grupo de pandereteiras Leilía presentou o domingo 4/03/2012, no Auditorio Municipal de Ourense o seu último traballo discográfico titulado «Consentimento», un disco froito de dous anos de intenso traballo no que o grupo homenaxea á pandereteira Eva Castiñeira e recrea versos de sete poetas galegas.
«Consentimento» no posto nº 9 da lista do World Music Charts Europe
09/03/2012
Estannos chegando felicitacións porque «Consentimento» está no posto nº 9 da lista do World Music Charts Europe, que está feita por 45 profesionais de radios públicas de 25 países de Europa. Toda unha honra para nós e para a música deste país feita con Sentimento!
Leilía en Mundofonías de RNE, favoritos de xaneiro entre Oriente e Occidente
06/02/2012
«ConSentimento», elexido entre os estreos do mes de xaneiro, no programa Mundofonías de RNE, con «Cortellas» tema 7.
Presentación de ConSentimento no CCG
05/01/2012
Hoxe foi un día Grande para Leilía.., presentamos o noso quinto traballo discográfico «ConSentimento» no Consello da Cultura Galega en Santiago de Compostela.
CONSENTIMENTO
01/12/2011
Logo de dous anos de intenso labor, poñemos das vosas mans: CONSENTIMENTO, un traballo que arrecende a muller, a terra, a coherencia e sobre todo que leva impresa a esencia de Leilía, a de respectar o pasado, pero coa vista posta no futuro.
O cambio de formación musical; a colaboración de: Mariña Pérez Rei, Ana Romaní, Marilar Aleixandre, Ana Amado, Yolanda Castaño, Eva Moreda e Eva Veiga; xunto coa homenaxe á muller galega, como creadora, conservadora e transmisora da tradición oral galega, focalizado na figura de Eva Castiñeira, son os elementos diferenciadores de CONSENTIMENTO.
Abrídeo e disfrutade das coplas, das melodías, da música, e impregnádevos do mimo e o coidado que nel puxemos!
Que vos guste, está feito para vós!
Para ir abrindo boca CONVIDÁMOSVOS A ESCOITAR un dos nosos novos temas:
«Como un soño que pasa»
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Benvidos e benvidas!
25/05/2011
Dámosvos a benvida ao noso novo espazo web a través do que vos queremos contar un pouco máis de nós, dos nosos proxectos, dos concertos ou aquelas cousas nas que andemos metidas e poidan ser do voso interese. Entrade, curioseade, remexede, gozade e se queredes, contádenos o que vos parece, se vos gusta, se non vos gusta, se botades algo en falta ou simplemente o que queirades dicirnos a través da sección Vós. Aquí vos esperamos!
Leilía nos «Premios da Música» a mellor canción en galego
21/04/2004
Leilía contra a guerra
«PEDRAS contra tanques». Con este tema escrito por Suso de Toro, Leilía gañou o premio á mellor canción en galego. Un galardón que se entrega nos Premios da Música. Con «Pedras contra tanques», as pandeireteiras compostelás botaron a andar unha alegoría chea de significado. Abonda con ver calquera dos noticiarios, abrir un xornal ou poñer a radio para imaxinar a grande traxedia dos pobos que están enfrascados na guerra, coma se non puidera ser doutro xeito. Lugares onde os nenos aprenden antes a manexar o tiracoios que a escribir. Se é que viven para chegares a iso. A cultura, a educación, a sanidade, as cuestións sociais, todo está rendido ó enfrontamento, á resistencia; á guerra se se prefire. Estou a referirme, claro, a esa parte do mundo, ao que pertencemos todos, chamado Palestina, Iraq, etc. «Das pedras de David aos tanques de Golias», que escribiu Saramago. Leilía fixo tamén outra «pedra» coa que loitar contra a guerra. Pandeiretas feitas con pel de voces tradicionais galegas. Unha música que soa tan ben que fai albiscar ventos que algún día serán de paz. De momento, polo que se anuncia, os nosos véñense. Benvidos sexan.
TRIBUNA Lugo(21-04-2004)
Autor do comentario: CARLOS VÁZQUEZ
Hemeroteca web
-
